Wasichana Wawili wa kidato Cha tatu Watoweka Mombasa, Familia Zikililia usalama wao.

      
Familia za wasichana wawili waliotoweka mjini Mombasa zimeomba msaada wa umma katika juhudi za kuwapata, huku hofu ikizidi kuibuka kuhusu usalama wao.

Wasichana hao, Vanessa mwenye umri wa miaka 16 na Teriana mwenye miaka 17, ni wanafunzi wa Kidato cha Tatu ambao hawajaonekana tangu Jumanne ya tarehe 25 agosti baada ya kutumwa dukani kununua bidhaa.

Kwa mujibu wa familia, wasichana hao waliondoka nyumbani majira ya saa 8 mchana kwenda kununua maziwa na mkate, lakini hawakurejea nyumbani.

Joyce Kimani, ambaye ni mama wa mmoja wa wasichana hao, amesema yeye ndiye aliyewatuma dukani kununua maziwa na baada ya hapo hawajaonekana tena.

«“Niliwatuma kununua maziwa na mkate. Tangu wakati huo sijawaona tena,” alisema Kemani.»

Amesema familia imekuwa ikipitia wakati mgumu tangu watoto hao walipotoweka, huku baadhi ya wanafamilia wakishindwa kula na kulala kutokana na wasiwasi.

Kimani amewaomba watu ambao huenda wamewaona wasichana hao kutoa taarifa katika kituo cha polisi kilicho karibu badala ya kuwadhuru.

«“Tafadhali, ikiwa kuna mtu amewaona, asiwaondoe. Awapeleke tu katika kituo cha polisi. Tunataka kuwaona watoto wetu wakirejea shuleni kwa sababu tuko kwenye maumivu,” amesema.»

Tabitha Mbuto ambaye pia ni mmoja wa wanafamilia, amesema wasichana hao waliondoka nyumbani wakiwa na furaha na hakukuwa na dalili zozote za kuwa walikuwa na matatizo nyumbani.
     
             
Amesema familia inaomba msaada wa kila mtu mwenye uwezo wa kuwasaidia kuwapata watoto hao ili warejee nyumbani na kuendelea na masomo yao.

«“Tunamuomba Mungu atupe ujasiri ili tuweze kuwapata watoto wetu. Tunapowafikiria watoto wetu, wanapaswa kuwa shuleni sasa. Wako Kidato cha Tatu na huu ni wakati muhimu wa kujiandaa kwa mitihani yao,” amesema.»

Familia hizo zimesema tayari zimetoa taarifa kwa Idara ya Upelelezi wa Makosa ya Jinai (DCI) na zinaendelea kushirikiana na maafisa wa usalama katika juhudi za kuwatafuta wasichana hao.

Kwa mujibu wa familia, juhudi hizo pia zinahusisha kufuatilia simu iliyokuwa ikitumiwa na mmoja wa wasichana hao ili kubaini eneo lake la mwisho.

Salma Ahmed mkurugenzi WA shirika la SHE RISES amesema visa vya wasichana na vijana kutoweka vinaonekana kujirudia katika kaunti ya Mombasa.

Amesema wasichana hao bado ni watoto na ametoa wito kwa yeyote anayefahamu walipo kuwafikisha mara moja katika kituo cha polisi kilicho karibu.

«“Hawa wawili bado ni watoto. Yeyote atakayekutana na Teriana au Vanessa, tafadhali awapeleke katika kituo cha polisi kilicho karibu ili wazazi wao waweze kuungana nao,” amesema Salma.

Salma pia amezitaka mamlaka kuharakisha uchunguzi na kutumia kila njia inayowezekana kuhakikisha wasichana hao wanapatikana wakiwa salama.

Familia zimesema kutoweka kwa wasichana hao kumesababisha maumivu makubwa kwa wazazi, ndugu na jamaa zao.
                 

Wazazi hao sasa wanatoa wito kwa umma, maafisa wa usalama na mtu yeyote mwenye taarifa kuhusu Vanessa na Teriana kujitokeza na kusaidia katika juhudi za kuwapata.

Familia hizo pia zimeeleza imani yao kwa DCI katika kuendeleza uchunguzi, huku zikimuomba Mungu awezeshe wasichana hao kupatikana wakiwa salama na kurejea nyumbani.

Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more