Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

 





Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa.

Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura, amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa.


Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.


                  

Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, uboreshaji wa barabara, uwekaji wa taa za kisasa za barabarani na ujenzi wa mini State Lodge. 


Miradi hiyo inatarajiwa kuboresha huduma na kuongeza uwezo wa eneo hilo kuandaa shughuli za kitaifa siku zijazo.


                           

Wakati huo huo, serikali inaendelea kutekeleza karibu miradi 30 ya maendeleo katika kaunti za Wajir, Garissa na Mandera. 

Miradi hiyo inajumuisha masoko ya kisasa, maktaba, vituo vya wanafunzi, nyumba nafuu pamoja na miradi ya barabara, maji na usafi wa mazingira. 

Serikali inasema uwekezaji huo utachochea ukuaji wa uchumi, kuboresha huduma za jamii na kuunda nafasi za ajira kwa wakazi wa eneo hilo.


                                   

Maadhimisho ya mwaka huu yanaongozwa na kauli mbiu ya “Elimu, Ujuzi na Mustakabali,” ikisisitiza umuhimu wa kuwawezesha vijana kupitia elimu bora na mafunzo ya ufundi.


Zaidi ya madarasa 1,000 pamoja na miradi mingine ya elimu inaendelea kujengwa huku maonyesho ya elimu na teknolojia katika Wagberi Primary School yakionyesha juhudi za serikali za kuandaa vijana kwa fursa za uchumi wa kisasa.


                                                    

Viongozi wamewataka Wakenya kuendelea kudumisha amani, umoja na uzalendo huku wakishiriki kikamilifu katika maendeleo ya taifa. 

Wamesema maadhimisho ya mwaka huu si tu kumbukumbu ya safari ya Kenya kuelekea kujitawala, bali pia fursa ya kutafakari kuhusu mustakabali wa nchi unaojengwa kupitia elimu, ubunifu na maendeleo jumuishi.

                                                                

Viongozi mbalimbali kutoka nchini nan je ya nchi wanatarajiwa kuhudhuria sherehe hizo.

Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more