Ujenzi wa kiwanda Cha gesi Dongo Kundu wafikia asilimia 85.

   

Ujenzi wa kiwanda kikubwa cha kuhifadhi gesi ya kupikia kinachojengwa na kampuni ya Taifa Gas kutoka Tanzania katika Eneo Maalum la Kiuchumi la Dongo Kundu umefikia asilimia 85.

Mradi huo wenye thamani ya zaidi ya shilingi bilioni 15, unajumuisha matangi 12 ya kuhifadhi gesi, ambapo kila tanki lina uwezo wa kuhifadhi tani 2,500,hivyo kutoa uwezo wa jumla wa kuhifadhi tani 30,000.

Akizungumza wakati wa ukaguzi wa maendeleo ya mradi huo,katibu katika idara ya uchukuzi Mohamed Daghar amesema kampuni ya Taifa Gas ni mwekezaji wa kwanza kuanzisha kituo kikubwa cha aina hiyo katika eneo hilo.

Daghar amesema kituo hicho kitakuwa kikubwa zaidi nchini Kenya na katika ukanda wa Afrika, huku kikitarajiwa kuchangia kupunguza bei ya gesi kwa kuwezesha kununuliwa kwa wingi, kuhifadhiwa nchini na kusambazwa katika soko la Kenya pamoja na nchi jirani.
     
      

Akiweka wazi kuwa gharama ya nishati nchini imekuwa juu, lakini uwekezaji kama huo utasaidia kupunguza bei kutokana na uwezo wa kununua gesi kwa wingi na kupata faida ya uzalishaji na usambazaji wa kiwango kikubwa.

Kwa upande wake, Mkurugenzi Mkuu wa Mamlaka ya Bandari Nchini (KPA), Capt William Ruto, amesema mradi huo tayari umewezesha kupatikana Kwa nafasi za ajira zaidi ya 500, huku nafasi zaidi zikitarajiwa baada ya kukamilika na kuanza kwa shughuli rasmi.

Ruto amesema wenyeji watanufaika pia kupitia mafunzo yatakayowawezesha kupata ujuzi wa kushughulikia gesi kwa usalama na kufanya kazi katika sekta hiyo.

Amesema ukubwa wa kituo hicho utaiwezesha Kenya kunufaika na uchumi wa kiwango,jambo litakalosaidia kupunguza gharama ya gesi ya kupikia kwa watumiaji.
      

Aidha, amesema kituo hicho kitaunganishwa na miundombinu ya kisasa ya mafuta katika Bandari ya Mombasa, ambayo itawezesha bandari kushughulikia meli kubwa za kubeba gesi na hivyo kuimarisha nafasi ya Mombasa kama kitovu cha nishati katika ukanda huu.

Meneja wa Mradi huo Mohamad Rod, amesema ujenzi umefikia asilimia 85, huku sehemu kubwa ya kazi za mitambo ikiwa imekamilika.

Rod amesema vifaa vyote muhimu vimewasili na mchakato wa ununuzi wa vifaa umekamilika, huku kampuni ikielekeza nguvu katika hatua za mwisho za maandalizi ya kuanza shughuli.

Amesema mradi huo unatarajiwa kukamilika na kuanza kutumika katika mwishoni mwa mwaka huu.

Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more