Serikali Yaweka Zaidi ya Bilioni 721katika Ujenzi wa Nyumba za Bei Nafuu.

      

Serikali imewekeza fedha ya takriban Shilingi bilioni 731.5 katika mikataba ya ujenzi wa zaidi ya nyumba 280,000 zinazoendelea kujengwa katika maeneo mbalimbali nchini kupitia Mpango wa Nyumba za Bei Nafuu.

Akizungumza wakati wa ufunguzi rasmi wa kongamano la Kila mwaka la chama Cha wasanifu mijengo nchini AAK 2026 iliyofanyika Diani, Kaunti ya Kwale,  Kaimu Katibu wa Nyumba katika Idara ya Serikali ya Nyumba na Maendeleo ya Miji QS Cassius Kusienya, MBS,akiwakilisha na kusoma hotuba ya Katibu Charles Hinga amesema takwimu hizo zimetolewa katika taarifa ya hivi karibuni ya sekta na Principal Secretary Charles M. Hinga.

Kwa mujibu wa hotuba hiyo, mpango huo kwa sasa unaendelea katika takriban kaunti 40, huku Serikali ikilenga kuufikisha katika kaunti zote nchini.

Serikali pia imesema inalenga kuhakikisha kila eneo bunge kati ya 290 nchini linapata angalau nyumba 220, ikiwa sehemu ya mpango mpana wa kuongeza usambazaji wa nyumba za bei nafuu.

Kusienya amesema zaidi ya Wakenya milioni moja wamejisajili kwenye mfumo wa Boma Yangu, huku takriban maombi 545,000 ya ugawaji wa nyumba yakiwa tayari kwenye mfumo.

Hata hivyo, alisema usajili pekee haupaswi kuchukuliwa kuwa umiliki wa nyumba, akisisitiza umuhimu wa kuunganisha mchakato wa usajili na ugawaji, ufadhili, makazi na hatimaye hati miliki.

Hotuba hiyo ilieleza kuwa nyumba za kijamii zimekuwa zikitolewa kwa bei ya Shilingi 640,000 kwa chumba kimoja, 960,000 kwa vyumba viwili na milioni 1.28 kwa vyumba vitatu.

    

Kwa upande wa nyumba za bei nafuu, nyumba aina ya studio imeorodheshwa kwa bei y Shilingi milioni 1 huku nyumba ya vyumba viwili ikiwa Shilingi milioni 2.

Idara ya Serikali ya Nyumba na Maendeleo ya Miji imewajulisha wanaotuma maombi  kuwa bei hizo zitapitiwa upya kuanzia Oktoba 1, 2026, huku waombaji watakaokamilisha mgao chini ya bei za sasa wakihifadhiwa bei hiyo.

Kusienya amesema mpango huo pia unalenga kuchochea ajira na uzalishaji wa ndani, huku zaidi ya ajira 640,000 zikitajwa kuwa zimehusishwa na mnyororo wa thamani wa sekta ya nyumba.

Serikali ikitaka nyumba zijengwe kwa kuzingatia mabadiliko ya tabianchi

Akizungumza kuhusu kauli mbiu ya mkutano huo “Shifting the Built Environment from Fragility to Resilience,” Kusienya amesema ujenzi wa nyumba haupaswi kuangaliwa kwa idadi pekee, bali pia ubora, eneo, huduma, uwezo wa kumudu gharama na uimara wake.

Akisema nyumba zinapaswa kujengwa katika maeneo yenye maji, usafi, mifereji ya maji, nishati, barabara na huduma nyingine muhimu.

Kwa mujibu wa hotuba hiyo, mabadiliko ya tabianchi tayari yanaonekana kupitia mafuriko, joto katika majengo, barabara kuharibika na changamoto nyingine za mijini.

Akisisitiza umuhimu wa kutumia mbinu za ujenzi zinazozingatia mazingira, ikiwemo paa zinazopunguza joto, uingizaji hewa wa asili, matumizi ya vifaa vinavyoweza kurejelewa na mipango ya maeneo inayozingatia maji.

Amesema uzoefu wa maeneo ya Pwani, ikiwemo Kwale, unaweza kusaidia katika kubuni nyumba zinazolingana na hali ya hewa, upepo na mazingira ya ukanda wa pwani.

Serikali imewataka wataalamu katika sekta ya ujenzi, wakiwemo wasanifu majengo, wapima ardhi, wahandisi na wasimamizi wa miradi, kushirikiana katika kuhakikisha nyumba zinazojengwa zinakuwa salama, nafuu na endelevu.

Kusienya amesema wataalamu hao wana jukumu la kusaidia kupunguza gharama za ujenzi bila kuathiri ubora, pamoja na kuongeza matumizi ya vifaa vya ndani na kushirikisha makandarasi wadogo na sekta ya Jua Kali.

Akiweka wazi kuwa kuna haja ya kuharakisha mchakato wa kuwabadilisha waliosajiliwa kwenye Boma Yangu kuwa wamiliki wa nyumba kupitia ufadhili, makazi na hati miliki.

Akisisitiza mafanikio ya mpango wa nyumba hayapaswi kupimwa kwa idadi ya majengo pekee, bali kwa uwezo wa nyumba hizo kuwa makazi yanayoweza kumudu gharama, yenye huduma, yanayostahimili mabadiliko ya tabianchi na hatimaye kuwa mali ya wakaazi.

Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more