ODM Mombasa Yawaonya viongozi wa UDA kukoma Kuwashambulia Viongozi Wao.

     

Viongozi wa Chama cha Orange Democratic Movement (ODM) kaunti ya Mombasa wamewataka wenzao wa United Democratic Alliance (UDA) kukoma kuwashambulia  na kuwakosoa viongozi wa ODM, wakisema vyama hivyo ni washirika katika serikali jumuishi na Wala si maadui.

Wakizungumza katika kaunti ya Mombasa,wakiongozwa na Mwenyekiti wao katika kaunti hiyo Mohamed Hamid Khamis amesema viongozi na wanachama wa ODM katika kaunti hiyo wamekuwa wakihamasisha wananchi kumuunga mkono Rais William Ruto na kueleza ajenda zake za maendeleo anapolenga kuwania muhula wa pili wa urais.
   

Khamis amehoji sababu ya baadhi ya viongozi wa UDA kulenga kuwashambulia viongozi wa ODM badala ya kushirikiana katika kuwasilisha ajenda ya serikali jumuishi.

“Tunawauliza wenzetu wa UDA, sisi ni maadui wenu ama ni washirika wenu?” Khamis ameuliza.

Amesema chama Cha  ODM Mombasa kitaendelea kuwahamasisha wanachama wake kumuunga mkono Rais Ruto, akisisitiza kuwa chama hicho kina miundo imara ya mashinani Mombasa na Pwani Kwa jumla.

Khamis amesema ODM itahakikisha kura za wanachama wake na wafuasi Mombasa zinaelekezwa kwa Rais Ruto katika uchaguzi mkuu wa 2027.

Amesema ujuzi nantajriba alionao kama kiongozi ni wa kuwashawishi wananchi kujitokeza na kupiga kura kwa wingi, na wala si kupigisha kura watu waliokufa kama baadhi ya viongozi wanavyodai.

Kauli hizo zinajiri wakati kukiwa na tofauti za kisiasa kati ya wafuasi wa ODM na UDA Mombasa kuhusu uchaguzi wa 2027, hususan suala la vyama hivyo kuwania nyadhifa za kaunti kwa kujitegemea.

Katibu wa ODM kaunti ya Mombasa Joffrey Busaka ameunga mkono kauli hizo akisema chama hicho kinaheshimu ushirikiano wa serikali jumuishi lakini hakitakubali viongozi wake kushambuliwa.
      

Busaka amesema jukumu la ODM katika ushirikiano huo ni kushiriki katika uhamasishaji wa kura za kumuunga mkono Rais Ruto, akipuuzia hofu kuhusu uwezekano wa kuwepo kwa mpangilio wa kugawana maeneo ya kisiasa(zoning) akiwataka wanaopinga msimamo wa ODM kuwa tayari kwa uchaguzi.

“Bring it on. Tuko tayari. Kila mtu asimame na tutakabiliana naye,” Busaka amesema.

Kwa upande wake, Mwenyekiti wa ODM Women's League Mombasa, Milka Moraa Ngare, ametoa wito wa kuheshimiana kati ya viongozi wa ODM na UDA, akisema vyama hivyo vinapaswa kuelekeza nguvu katika kutafuta kura za kumuunga mkono Rais Ruto badala ya kushambuliana.
    

Ngare amesema wanachama wa ODM wamekuwa wakijizuia kwa muda mrefu kwa sababu wanatambua UDA kama mshirika wao katika serikali jumuishi.

Kauli za viongozi hao zinajiri siku chache baada ya Rais William Ruto kusisitiza kuwa ODM na UDA ni washirika na wala si washindani katika mfumo wa serikali jumuishi.

Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more