Wakazi wa Lamu Wataka Asilimia 70 ya Ajira Katika Mradi wa Kusafisha Mafuta wa Dangote.

        

Wakazi wa kaunti Lamu wameitaka Serikali kuhakikisha jamii inashirikishwa kikamilifu katika kila hatua ya utekelezaji wa mradi wa kusafisha mafuta, wakisisitiza kuwa ushirikishwaji huo ndio utakaowezesha wananchi kunufaika na mradi huo.

Wakizingumza na waandishi wa habari wakiongozwa na Sultan Omar Sharif amesema wakaazi wameupokea na kuukaribisha mradi huo, ila wanataka kushirikishwa kwa asilimia 100 kuanzia hatua za upangaji hadi utekelezaji.

Amesema vijana wa eneo hilo wanahitaji kupewa kipaumbele katika ajira, akitaka asilimia 70 ya nafasi za kazi zitakazozalishwa na mradi huo zitolewe kwa wenyeji pamoja na kupewa mafunzo ya kuwajengea uwezo.

Aidha, ametaka asilimia mbili ya faida ya mradi irejeshwe kwa jamii kupitia mfuko wa maendeleo utakaosaidia kuboresha huduma mbalimbali na miundo mbinu. 

Kwa upande wake, Bado Somo amesema makubaliano kuhusu manufaa ya mradi yanapaswa kuwekwa wazi na kuandikwa rasmi badala ya kutolewa katika majukwaa ya kisiasa. 

       

Amesema wananchi wanataka kufahamu namna Kaunti ya Lamu na jamii zinazozunguka mradi zitakavyonufaika.

Naye Abubakar Bausi amesema wananchi wa Lamu wamechoshwa na ahadi zisizotekelezwa kuhusu miradi mikubwa, akidai kuwa katika miradi kama ule wa LAPSSET, wengi wa wakaazi hawakupata ajira wala kunufaika na maendeleo ya miundombinu. 

Amedai nafasi nyingi za kazi zilipewa watu kutoka nje ya eneo hilo huku baadhi ya viongozi wakituhumiwa kuuza fursa hizo. Amesisitiza kuwa safari hii wananchi hawatakubali kutengwa na maamuzi yanayohusu mradi huo, wakitaka pia fidia ya haki kwa ardhi itakayotumika.

Kwa upande wake, Alawi Abzein amesema ni muhimu kampuni inayotekeleza mradi huo kukutana moja kwa moja na wananchi badala ya kutegemea viongozi wa kisiasa pekee.

Amesema wananchi wanahitaji kufahamu athari za mradi kwa mazingira na jamii, namna fidia itakavyotolewa, pamoja na kuanzishwa kwa mfuko maalum wa maendeleo ya jamii utakaowanufaisha wakazi wa eneo hilo.

Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more