Sportpesa National 7s Circuit:KCB yatinga robo Fainali Kwa kishindo.

                  

Makala ya 36 ya mchezo wa Raga ya wachezaji saba Kila upande SportPesa National 7s Circuit, yanaendelea katika uwanja wa Mombasa Sports Club katika kaunti ya Mombasa huku Bingwa mtetezi KCB akianza mashindano hayo Kwa kishindo wakiongoza kundi B bila kupoteza mchezo.

KCB ilianza kampeni kwa ushindi wa alama 22-5 dhidi ya Kisumu RFC, kabla ya kuishinda Uganda Emerging 7s kwa alama 12-7 katika mchezo wa pili. Katika mchezo wao wa mwisho wa hatua ya makundi, KCB iliibuka na ushindi wa alama 29-10 dhidi ya KU Black Blad, na hivyo kufuzu kwa robo fainali itakayochezwa Jumapili.

             
Kabras Sugar walimaliza katika nafasi ya pili baada ya pia kutokupoteza mchezo. Waliifunga wenyeji Mombasa Sports Club Rugby kwa 43-0, kisha wakashinda Nondescripts RFC kwa 12-0. Hata hivyo, walilazimishwa sare ya 17-17 na Kenya Harlequins katika mchezo wao wa mwisho.

NYS Spades nao wameweka historia kwa kufuzu kwa mara ya kwanza katika robo fainali SPORTPESA National 7s Circuit. Spades walianza kwa sare alama 5-5 dhidi ya Mwamba RFC, kisha wakapata ushindi muhimu wa alama 15-12 dhidi ya Strathmore Leos, kabla ya kuifunga MMUST Rugby kwa alama 7-5 na kufuzu hatua ya robo fainali.

Katika Pool A, Kabras RFC waliendelea na kiwango chao kizuri kwa kumaliza bila kupoteza mchezo na kuongoza kundi, huku Nondescripts wakimaliza nafasi ya pili.
            

Menengai Oilers walitawala Pool C baada ya kushinda michezo yote mitatu. Walianza kwa kuifunga Nakuru RFC alama 14-7, wakawachapa wenyeji Kilifi RFC alama 34-5 na kumalizia kwa ushindi wa alama 31-5 dhidi ya Daystar Falcons.

Akizungumza na waandishi wa habari, Afisa wa Mahusiano ya Umma , Mauzo na Matangazo katika Katika Kampuni ya SportPesa Mercy Kabui amesema mwaka huu mgao wa zawadi umeongezwa maradufu, huku washindi katika vitengo mbalimbali wakipangiwa donge nono.

            
Amesema hatua hiyo itasaidia kutoa hamasa kwa timu zinazoshiriki, pamoja na kuwasaidia wachezaji kujikimu kimaisha.

Aidha, Mercy amefichua kuwa kuna wataalamu maalum wanaofuatilia vipaji vinavyochipuka, kwa lengo la kubaini wachezaji wenye uwezo na kuwapa fursa ya kujiunga na timu ya taifa ya raga nchini Shujaa.

Akiwataka washiriki kujituma kikamilifu ili kuonyesha uwezo wao, kujitangaza na kutambuliwa na wale wanaofuatilia vipaji.
Mercy pia amesema mwitikio wa mashindano hayo umekuwa mkubwa, huku akiwahimiza mashabiki kujitokeza kwa wingi zaidi.

Michezo ya robo fainali pamoja na mechi nyingine za mtoano itachezwa Jumapili

Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more