MOMBASA MEGA MARATHON YAZINDULIWA, ZAIDI YA WASHIRIKI 1,000 WATHIBITISHA USHIRIKI WAO.

 

                                  

Mashindano ya Mombasa Mega Marathon yanatarajiwa kufanyika Jumapili, Agosti 16, baada ya kuidhinishwa na Shirikisho la Riadha nchini.

Makamu wa Kwanza wa Rais wa shirikisho hilo, Paul Mutwii, amezindua mashindano hayo jijini Mombasa Jumatatu, akimwakilisha Rais wa shirikisho hilo Jenerali Mstaafu Jackson Tuwei.

Mutwii amesema wamefurahishwa na kurejea kwa mashindano makubwa ya Marathon Mombasa, baada ya kutokuwepo kwa miaka kadhaa.

                                 

Amesema Rais wa huyo amesaini kibali cha mashindano hayo, huku waandaaji wakitarajiwa kukabidhiwa kibali hicho wakati wa uzinduzi.

Mashindano hayo yatakuwa na mbio za kilomita 42, kilomita 21, kilomita 10 na kilomita 5.

Balozi wa Mombasa Mega Marathon, Omar Said, amesema zaidi ya washiriki 1,000 tayari wamejisajili kwa mashindano hayo ya kwanza.

Mbio za burudani za kilomita 5 zinatarajiwa kuanza kati ya saa mbili na nusu na saa tatu asubuhi.

                                     

Said amesema mbio hizo za burudani zinalenga watoto, wazee, familia na washiriki wengine ambao hawawezi kukimbia umbali mrefu.

Kwa mujibu wa Shirikisho la Riadha Nchini, jumla ya shilingi milioni 5.084 zimetengwa kama zawadi kwa washindi.

Wanariadha watakaoshinda zawadi watafanyiwa vipimo vya matumizi ya dawa zilizopigwa marufuku kabla ya fedha zao kutolewa.

Vipimo hivyo vitaendeshwa na Wakala wa Kitaifa wa Kupambana na Matumizi ya Dawa za Kulevya, ADAK.

                                   

Said amesema mbio  hizo inalenga pia kuhamasisha jamii ya Mombasa kupinga matumizi ya dawa za kulevya.

Akiongeza kuwa  waandaaji wanatarajia kusaidia makundi yanayofanya kazi na watu walioathirika na matumizi ya dawa za kulevya, kwa kushirikiana na mashirika kama Reachout na Mewa Rehabs.

Naibu Gavana wa kaunti ya Mombasa, Francis Thoya, amesema michezo inatoa fursa ya kukabiliana na tatizo la matumizi ya dawa za kulevya miongoni mwa vijana.

Thoya akisema Mombasa inakabiliwa na changamoto kubwa ya matumizi ya dawa za kulevya, akieleza kuwa vijana wasio na shughuli za kufanya huwa katika hatari kubwa ya kujiingiza katika matumizi ya dawa za kulevya na matatizo mengine ya kijamii.

                                 

Akisema kuna haja ya kuinua hadhi ya riadha Mombasa na kurejesha enzi ambazo jiji hilo lilikuwa mwenyeji wa mashindano makubwa ya riadha.

Kaunti ya Mombasa itasaidia mashindano hayo kwa kutoa usalama na huduma nyingine muhimu.

Afisa wa kiufundi wa Shirikisho la Riadha Nchini, James Mwaringa, amesema Bustani ya Mama Ngina Waterfront itakuwa eneo la kuanzia na kumalizia mashindano hayo.

Eneo hilo pia litatumika kama Race Village, ambapo shughuli mbalimbali za mashindano zitafanyika.

 

 

 

Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more