MOMBASA MEGA MARATHON: KITUNDU NA CHERUIYOT WASHINDA MBIO ZA KILOMITA 42.

                           

Mwanariadha Little Nick Kitundu ameibuka mshindi wa mbio za kilomita 42 katika Mombasa Mega Marathon, baada ya kutumia muda wa saa 2:16:02.

Kitundu alifuatwa na Gabriel Kahora, aliyemaliza katika nafasi ya pili kwa muda wa  saa 2:18:39, huku Theophilus Kipsang akimaliza wa tatu kwa muda wa saa 2:18:54.

Kwa upande wa wanawake katika mbio za kilomita 42, Betty Cheruiyot alitwaa ushindi kwa muda wa saa  2:36:09. Akifuatwa na Lucy Chelele, aliyemaliza wa pili kwa muda wa saa  2:40:59, huku Anastacia Jepkoech akishika nafasi ya tatu kwa muda wa saa 2:42:27.

Katika mbio za kilomita 21 upande wa wanaume, Justus Muasya alishinda kwa muda was aa 1:00:52, akifuatiwa na Elisha Kipsoi aliyemaliza wa pili kwa muda wa saa 1:02:55 nae Tom Mwendwa Mutie akishika nafasi ya tatu kwa muda wa 1:05:57.

Akizungumza baada ya ushindi wake, Little Nick Kitundu amesema mbio hizo hazikuwa rahisi kutokana na hali ya hewa ya joto, lakini amefurahia kufanikiwa kushinda. Akisema  alifurahishwa na mazingira tambarare ya Mombasa, kwani amezoea kukimbia katika maeneo yenye milima na mabonde.

                                   

Kwa upande wake, Betty Cheruiyot amesema hali ya hewa ilikuwa changamoto kubwa, lakini haikumzuia kufanya vizuri na kutwaa ushindi.

Mwenyekiti wa kamati ya maandalizi ya Mombasa Mega Marathon, Charles Omoto, ameipongeza Kaunti ya Mombasa kwa ushirikiano wake katika kufanikisha mbio hizo. Omoto akisema waandalizi wanapanga kufanya mashindano hayo kuwa ya kila mwaka, kutokana na vipaji vingi vilivyojitokeza.

Waziri wa Ardhi na Mipango ya Jiji katika Kaunti ya Mombasa, Mohamed Husein Amadoh, amewataka vijana kujiepusha na matumizi ya dawa za kulevya na badala yake kujikita katika michezo kama njia ya kuimarisha afya na kujenga maisha bora.

                                     

Amadoh amesema Mombasa Mega Marathon haikuwa tukio la michezo pekee, bali pia ilikuwa jukwaa la kuhamasisha umoja, maisha yenye afya na kujenga kizazi kisichotumia dawa za kulevya. Amewataka vijana kutumia fursa zinazopatikana kupitia michezo kugundua na kuendeleza vipaji vyao, kutafuta fursa za maendeleo na kufanya maamuzi yenye manufaa kwa maisha yao.

Gavana wa Kaunti ya Mombasa, Abdulswamad Sharif Nassir, amewapongeza waandalizi wa mbio hizo akisema wametanya kazi nzuri katika kuwasaidia vijana kujiepusha na matumizi ya dawa za kulevya na kujenga maisha bora kupitia hamasa yao.

Gavana Nassir amesema mbio hizo pia zimechangia pakubwa katika kukuza na kutangaza utalii wa kaunti ya Mombasa kupitia maonyesho ya maeneo mbalimbali ya kaunti hiyo.

Aidha, amewataka wanasiasa kujiepusha na kauli zinazoweza kuathiri sekta ya utalii, akisema kuathirika kwa utalii kunaweza kudhoofisha uchumi na kusababisha Wakenya wengi kukosa ajira.

                                    

Gavana Nassir amesema serikali ya kaunti itaendelea kuboresha mbio hizo ili ziwe kubwa, za kuvutia na zenye manufaa zaidi katika miaka ijayo.

Akiweka wazi kuwa  Mombasa imepiga hatua kubwa katika sekta ya michezo, huku viwanja vya kisasa vikiendelea kujengwa ili kuendelea kutambua na kukuza vipaji.

Mshindi wa mbio za kilomita 42 amejishindia zawadi ya shilingi 500,000, mshindi wa pili shilingi 250,000, huku mshindi wa tatu akipata shilingi 125,000. Zawadi zilitolewa hadi kwa mshindi wa nafasi ya kumi

Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more