KABRAS SUGAR YAMCHAPA KCB 15-5 NA KUTWAA UBINGWA WA SPORTPESA NATIONAL 7s CIRCUIT

         

Kabras Sugar wametawazwa mabingwa wapya wa Sportpesa National 7s Circuit  baada ya kuwalaza mabingwa watetezi KCB kwa alama 15-5 katika fainali iliyochezwa katika uwanja wa Mombasa Sports Club.

KCB walichukua uongozi  dakika za mwisho za kipindi cha kwanza, baada ya Festus Shiasi kufunga try na kuwapa mabingwa hao watetezi uongozi wa 5-0 hadi kufikia mapumziko.

    

Hata hivyo, Kabras Sugar walianza kipindi cha lala salama kwa kasi, wakifunga tries tatu za haraka na kugeuza mchezo huo na hatimaye kushinda kwa alama 15-5.

Daystar Falcons walimaliza katika nafasi ya tatu baada ya kuifunga Menengai Oilers alama 21-5 huku 

Uganda Emerging 7s wakimaliza katika nafasi ya tano baada ya kuifunga Nondescripts 19-14.

Katika fainali ya Division Two, Zetech Oaks walitwaa ubingwa baada ya kuifunga Stallions Rugby kwa alama 33-7.

      

Kocha msaidizi wa Kabras Sugar, Ntabeni Dukisa, amesema ushindi wao dhidi ya KCB katika mashindano ya hayo umewapa afueni baada ya timu hiyo kupata matokeo mabaya katika Kabeberi 7s.

Dukisa amesema Kabras iliingia katika mashindano ya Mombasa ikiwa chini ya presha kubwa, hali iliyowalazimu wachezaji kujituma zaidi ili kurejea katika hali yao ya ushindani.

Kwa upande wake, kocha mkuu wa KCB, Andrew Amonde, ameipongeza Kabras Sugar kwa kutwaa ubingwa wa Driftwood 7s, huku akisema kichapo hicho ni somo muhimu kwa timu yake kuelekea mashindano yajayo ya Embu 7s.

      

Amonde amesema KCB itatumia matokeo hayo kujipanga upya na kurejea ikiwa na nguvu zaidi katika mashindano ya Embu 7s.

Afisa wa mahusiano ya umma,mauzo na matangazo  Mercy Kagui amesema mashindano hayo yamekamilika kwa mafanikio, huku akiwapongeza mashabiki na washiriki kwa kujitokeza kwa wingi.Akiwapongeza Kabras Sugar kwa kutwaa ubingwa.

Kagui amesema SportPesa imeongeza mgao wake wa udhamini kutoka shilingi milioni 14 hadi shilingi milioni 35, hatua inayolenga kuendeleza na kukuza michezo nchini.

Akisisitiza kuwa SportPesa haiungi mkono mchezo wa raga pekee, bali pia inawekeza katika michezo mbalimbali kama njia ya kuwawezesha vijana.

         

Aidha, amesema mashindano hayo yametoa fursa kwa vijana kuonyesha vipaji vyao, kujitangaza na kupata nafasi ya kugunduliwa na wachambuzi na wadau wa michezo, jambo linaloweza kuwasaidia kuendeleza vipaji vyao na kufikia viwango vya juu zaidi.


Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more