Gavana Abdulswamad Awataka Vijana Kukataa Siasa za Chuki na Ubaguzi.

           

Gavana wa Kaunti ya Mombasa, Abdulswamad Shariff Nassir, amewataka vijana kuachana na wanasiasa wanaoendeleza siasa za chuki na ukabila kuwagawa wananchi.

Akizungumza katika hafla ya kuadhimisha Siku ya Vijana Duniani, Gavana Abdulswamad amesema vijana wanapaswa kusikiliza sera za kila mwanasiasa na kutathmini namna anavyolenga kutatua changamoto zinazowakabili wananchi wa Mombasa.

          


Abdulswamad akiwataka vijana kuacha kufuata wanasiasa wasio na ajenda wala maono ya kubadilisha maisha yao, akisisitiza umuhimu wa kufanya maamuzi kwa kuzingatia sera na mipango ya maendeleo.

Gavana amesema ukosefu wa ajira ni miongoni mwa changamoto kubwa zinazowakabili vijana nchini, na serikali ya kaunti ya Mombasa imeweka mikakati mbalimbali ya kuwawezesha vijana kujikimu kimaisha.

             

Aidha, amewataka vijana kuwa na nidhamu na kujituma katika kazi, akisema baadhi yao walishindwa kutekeleza majukumu yao ipasavyo katika mpango wa Mombasa Ni Yangu, jambo lililoathiri utekelezaji wa mradi huo.

Gavana Abdulswamad amesema ndani ya wiki mbili zijazo programu ya Skills Mtaani itaanza rasmi, huku akihakikisha kuwa hakuna kijana atakayeachwa nje, kwani utaratibu maalum tayari umewekwa.

Amesema vijana watakaopata fursa ya kusomea kozi mbalimbali watanufaika na fedha maalum za  mfuko wa hazina ya pesa ya mikopo utakaowasaidia kupata vifaa vya kuanzisha biashara zao baada ya mafunzo.

                

Biashara hizo, amesema, zitasaidia pia kuunda nafasi za ajira kwa vijana wengine na hivyo kuchangia ukuaji wa uchumi wa Mombasa.

Gavana pia amewakosoa wapinzani wanaoendeleza siasa za chuki na ubaguzi, akiwataka viongozi kujenga jamii yenye amani, umoja na upendo.

Wakati huo huo, ameagiza jopokazi linaloshughulikia masuala ya vipaji katika Kaunti ya Mombasa kuandaa tamasha maalum litakalolenga kutambua, kukuza na kuendeleza vipaji vya vijana.

Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more