WAZIRI JOHO ASITISHA SHUGHULI ZA UCHIMBAJI MADINI ZA KAMPUNI YA TATA CHEMICALS MAGADI LIMITED

               

Waziri wa Madini, Uchumi samati na Masuala ya Bahari, Hassan Ali Joho, ameagiza kusitishwa mara moja kwa shughuli zote za uchimbaji madini za kampuni ya Tata Chemicals Magadi Limited hadi pale itakapotekeleza kikamilifu matakwa ya Sheria ya Madini, kanuni zake na sheria nyingine zote zinazosimamia sekta ya madini nchini Kenya.

Hatua hiyo imechukuliwa baada ya miaka kadhaa ya mazungumzo kati ya Idara ya Serikali ya Madini na Tata Chemicals Magadi Limited kuhusu wajibu wake wa kisheria chini ya Sheria ya Madini, kifungu cha 306, Kanuni za Leseni na Vibali vya Madini za mwaka 2017, Kanuni za Ukusanyaji na Usimamizi wa Mrabaha wa Madini za mwaka 2024 pamoja na mifumo mingine ya kisheria inayohusika.

Licha ya mazungumzo hayo, masuala kadhaa muhimu ya uzingatiaji wa sheria bado hayajatatuliwa. Miongoni mwao ni ukosefu wa mkakati wa wazi wa uongezaji thamani wa madini, madeni ya upatanisho na malipo ya mrabaha, upungufu katika utoaji wa taarifa na upatanisho wa mauzo ya nje, utekelezaji duni wa Makubaliano ya Maendeleo ya Jamii (CDA), kutokuwepo kwa mpango wa kutosha wa ajira na uhamishaji wa ujuzi kwa Wakenya, matumizi hafifu ya bidhaa na huduma za ndani pamoja na mapungufu katika utekelezaji wa masharti ya mazingira.

Kutokana na hali hiyo, kampuni imeagizwa kuwasilisha nyaraka zote muhimu na ushahidi unaothibitisha kuwa imetekeleza kikamilifu wajibu wake wa kisheria na kushughulikia madeni au wajibu wowote uliosalia kabla ya kuruhusiwa kuendelea na shughuli za uchimbaji.

Waziri Joho amesisitiza kuwa Wizara itaendelea kuhakikisha rasilimali za madini nchini zinatumika kwa uwajibikaji, kwa njia endelevu na kwa manufaa makubwa ya kiuchumi kwa taifa, huku ikilinda mazingira na maslahi ya jamii zinazozunguka maeneo ya uchimbaji.

Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more