Wakazi wa Lamu Wataka Kushirikishwa Katika Mradi wa Kituo cha Kusafisha Mafuta Cha Bilionea Dangote.

Wakazi na viongozi wa Kaunti ya Lamu wameitaka Serikali kuhakikisha wanashirikishwa kikamilifu kabla ya kuanza kwa utekelezaji wa mradi wa kituo cha kusafisha mafuta chenye uwezo wa kusafisha mapipa 700,000 kwa siku, unaotarajiwa kujengwa na kampuni ya mfanyabiashara Aliko Dangote.

Wakiongozwa na Sultan Omar Sharif, viongozi hao wamesema hawapingi mradi huo, bali wanataka Serikali iwe wazi na kuwahusisha wakazi wa eneo hilo katika kila hatua ya utekelezaji ili kuhakikisha wanapata manufaa ya moja kwa moja.

Sultan Sharif amesisitiza kuwa ajira zinazotarajiwa kufunguliwa kupitia mradi huo, zinazokadiriwa kufikia zaidi ya nafasi 60,000 na zinapaswa kutanguliza wakazi wa Lamu.

                          

Aidha, ameitaka kampuni husika kutekeleza miradi ya uwajibikaji kwa jamii (CSR) ikiwemo ujenzi wa shule, barabara na miundombinu mingine muhimu ili kuboresha maisha ya wananchi.

Ameongeza kuwa mradi huo una uwezo wa kuibadilisha kwa kiasi kikubwa hali ya uchumi wa Kaunti ya Lamu ikiwa utekelezaji wake utazingatia maslahi ya wananchi wa eneo hilo.

Wanajamii hao pia wamemwomba Rais William Ruto kusikiliza kilio cha wakazi wa Lamu na kuhakikisha wanashirikishwa kikamilifu katika maamuzi yanayohusu mradi huo mkubwa.

Kwa upande wake, Kijana Athuman Mohamed Abubakar amesema wanaunga mkono ujio wa mradi huo, akisisitiza umuhimu wa ushirikiano, uwazi na ushirikishwaji wa jamii katika uundaji wa sera na mipango itakayowezesha wananchi kufaidika.

                    

Naye Mohamed Twalib amesema mradi huo utakuwa na manufaa makubwa kwa jamii ikiwa utasimamiwa kwa usawa.

Akipendekeza kuwa angalau asilimia 70 ya nafasi za ajira zitolewe kwa wakazi wa Lamu, huku biashara ndogo ndogo zinazohusiana na shughuli za kiwanda hicho ikiwemo usambazaji wa vifaa na huduma mbalimbali, zipewe kipaumbele kwa wafanyabiashara wazawa.

                  

Akiongeza kuwa Sultan Omar Sharif ahusishwe katika masuala yote yanayohusu mradi huo kwa niaba ya jamii.

Haula Issa naye ametaka mradi huo utoe fursa za kweli kwa vijana wa Lamu, akisema hawataki kurudia hali iliyoshuhudiwa katika miradi mingine ambapo wananchi wa eneo hilo hawakunufaika ipasavyo.

                   

Mradi huo wa kituo cha kusafisha mafuta wenye uwezo wa kusafisha mapipa 700,000 kwa siku unatarajiwa kukamilika ndani ya kipindi cha takribani miezi 30.

Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more