Wahudumu wa Bodaboda Watakiwa Kudumisha Usalama na Kuweka Akiba kwa Mustakabali Bora wa maisha ya baadae.

                                         
Mwenyekiti wa Kitaifa wa Wahudumu wa Bodaboda, Kevin Mubadi, amewataka wahudumu wa bodaboda kote nchini kudumisha usalama na kutumia fursa za uwezeshaji wa kiuchumi ili kuboresha maisha yao.

Akizungumza wakati wa mkutano na wahudumu wa bodaboda jijini Mombasa, Mubadi amesema kuwa mipango ya kuwawezesha vijana kupata pikipiki kupitia mikopo imechangia kupunguza uhalifu na kuimarisha usalama, kwani wengi wao wanapata kipato halali badala ya kujiingiza katika vitendo vya uhalifu.

                                             

Amepongeza mashirika mbalimbali yanayoshirikiana na sekta ya bodaboda kwa kuwawezesha vijana kupata pikipiki kwa njia ya mikopo, akisema hatua hiyo imewapa fursa ya kujitegemea na kupunguza idadi ya vijana wanaojiunga na makundi ya uhalifu.

Mubadi pia amewasihi wahudumu wa bodaboda kutoruhusu kutumiwa vibaya na wanasiasa kuelekea katika kipindi hiki Cha uchaguzi.

Amewataka kujiepusha na vurugu na vitendo vya kihuni, badala yake washirikiane kwa karibu na vyombo vya usalama na kuwa mstari wa mbele kuripoti matukio yoyote yanayoweza kuhatarisha usalama wa wananchi.

                                               Aidha, amewashukuru wahudumu wa bodaboda kwa kutoshiriki katika maandamano yaliyoshuhudiwa nchini katika siku za hivi karibuni, akiwahimiza kuendelea kuwa mabalozi wa amani.

Mwenyekiti huyo pia amewataka wahudumu wa bodaboda kujiepusha na tabia za  kuchoma magari au kuharibu mali wakati ajali zinapotokea, akisisitiza kuwa wanapaswa kuziachia mamlaka husika zifuate taratibu za kisheria badala ya kuchukua sheria mikononi mwao.

                                               

Kwa upande wake, Mwenyekiti wa Wahudumu wa Bodaboda Kaunti ya Mombasa, Samuel Ogutu, ameshukuru mashirika mbalimbali kwa kushirikiana na sekta hiyo kwa kutoa huduma mbalimbali zinazohusiana na pikipiki bila malipo, hatua ambayo amesema imewapunguzia wahudumu wa bodaboda gharama za uendeshaji.

                                             

Ogutu akitoa wito kwa mashirika hayo kuendelea kuandaa shughuli kama hizo mara kwa mara ili kupata nafasi ya kusikiliza changamoto zinazowakabili wahudumu wa bodaboda na kutafuta suluhisho la pamoja.

Naye Mkurugenzi wa Mawasiliano wa Kenya National Entrepreneurs Saving Trust KNEST, Lucy Kamau, amewahimiza wahudumu wa bodaboda kujenga utamaduni wa kuweka akiba kwa ajili ya maisha yao ya baadaye.

                                             

Lucy amesema waendesha bodaboda wanaweza kuanza kuweka akiba kidogo kidogo kwa siku, akieleza kuwa hatua hiyo itawasaidia kujitegemea kifedha badala ya kutegemea msaada wa serikali au familia wakati wa uzeeni au wanapopatwa na dharura.

Amesema KNEST, ambayo ilizinduliwa mwezi Desemba mwaka jana, tayari imeandikisha zaidi ya wanachama milioni 1.5 nchini na imepokelewa vyema na Wakenya kutokakana na huduma zake nzuri.

                                            Ameeleza kuwa lengo la mpango huo ni kuhakikisha wananchi wanapata hifadhi ya kifedha wanapostaafu au wanapofikia umri wa uzee.

Ameongeza kuwa wanachama wanaweza kupata hadi asilimia 30 ya fedha walizowekeza pale wanapokumbwa na dharura, huku fedha zilizosalia zikiendelea kuhifadhiwa kwa ajili ya mafao ya baadaye.



Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more