SISI NI DOLA CUP Makala ya pili yang'oa nanga,Milioni 1 kushindaniwa.

                                                    

Michuano ya Sisi ni Dola Cup makala ya pili kuanza rasmi siku ya Jumamosi katika uwanja wa Mombasa Sports Club, huku mshindi wa kwanza akiondoka na kitita cha Shilingi milioni moja taslimu.

Mashindano hayo yamejumuisha timu 24 zilizofuzu kutoka kwa zaidi ya timu 200 zilizowasilisha maombi ya kushiriki kutoka kaunti tano za Pwani ambazo ni Mombasa, Kwale, Kilifi, Lamu na Tana River.

                                       

Akizungumza wakati wa uzinduzi rasmi wa mashindano hayo, Mkurugenzi wa Masuala ya Michezo katika Kampuni ya Dola, Hassan Ibrahim, amesema lengo la Sisi ni Dola Cup ni kuwapa vijana fursa ya kuonyesha vipaji vyao na kujitangaza ili wapate nafasi ya kusajiliwa na timu za Ligi Kuu na za kimataifa.

                                       

Amewahimiza washiriki kutumia mashindano hayo ipasavyo kwa kujituma na kuonyesha nidhamu ili kufungua milango ya mafanikio katika soka.

Aidha, Hassan Ibrahim amewataka washiriki kudumisha amani, mshikamano na nidhamu ya hali ya juu, akisema ndiyo msingi wa maendeleo ya mchezo wa soka. 

Akiongeza kuwa lengo lao si tu kuwazawadia washindi, bali pia kuwasaidia wachezaji kupata ufadhili na fursa za kucheza katika viwango vya juu, ikiwemo kimataifa.

Kwa upande wake, Afisa Mkuu wa Wizara ya Michezo katika Kaunti ya Mombasa, Goshi Juma Ali, ameipongeza Kampuni ya Dola kwa juhudi zake za kutambua na kukuza vipaji vya vijana kupitia mashindano hayo.

                                                

Goshi pia ametoa wito kwa wadau kuendelea kudhamini timu na vipaji vya vijana, akisema hatua hiyo itawasaidia kutimiza ndoto zao na kuwakinga dhidi ya matumizi ya mihadarati pamoja na kujiingiza katika magenge ya uhalifu.

Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more