Raia wa kigeni Washtakiwa kwa Kudaiwa Kusababisha Moto uloharibu mali ya Thamani ya Shilingi Milioni 667.



Mtu mmoja mwenye uraia wa Kenya na Italia anayejulikana kwa jina la Franco Esposito maarufu kama kama Kososo wa Baya na mwenzake Elly Esposito, wamefikishwa mbele ya Mahakama ya Malindi wakikabiliwa na shtaka la kutochukua tahadhari na kusababisha madhara, kinyume na Kifungu cha 243(d) cha Kanuni ya Adhabu.

Kulingana na hati ya mashtaka iliyowasilishwa na Ofisi ya Mkurugenzi wa Mashtaka ya Umma (ODPP) Malindi, washtakiwa hao wanadaiwa kuwa mnamo tarehe 25 Mei 2026 katika eneo la Siro Land, Kaunti Ndogo ya Malindi, Kaunti ya Kilifi, walianzisha moto katika sehemu ya wazi bila kuchukua tahadhari zinazohitajika na wakashindwa kuudhibiti.

Franco Esposito na Elly Esposito wakiwa kizimbani

Upande wa mashataka unadai kuwa moto huo ulisababisha uharibifu mkubwa wa Duma Villa, mali inayomilikiwa na Nagia Dahmani, yenye thamani inayokadiriwa kuwa Zaidi ya  Shilingi milioni 667.

Washtakiwa hao walikamatwa tarehe 6 Julai 2026 na kufikishwa mahakamani, ambapo waliamriwa kuzuiliwa rumande. Kesi hiyo imesajiliwa chini ya Police Case No. 313/2026 na OB No. 11/27/05/2026.

                                                  

Mlalamishi Nagia Dahmani ambaye pia ni mmiliki wa Duma Villa ni miongoni mwa mashahidi wanaotarajiwa kutoa ushahidi katika kesi hiyo, wengine wakiwa ni  pamoja na Samuel Katana, Anderson Mwen, Agnes Mashaka Kaingu, Kingi Karisa, na maafisa kadhaa wa polisi kutoka Malindi.

Tayari uchunguzi uliofanywa na polisi wa Malindi umekamilika, na faili la kesi  liko mahakamani kwa hatua zaidi za kisheria.

                                                    

Kesi hiyo inaangazia uzito wa athari zinazoweza kusababishwa na uzembe unaohusisha moto, hasa kwa mali za thamani kubwa katika maeneo ya pwani.


Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more