Pwani Innovation Week 2026 Kulenga Kuanzisha Biashara Mpya 37,000.

               

Pwani Innovation Week 2026 Yalenga Kuanzisha Biashara Mpya 37,000 na Kuwawezesha Vijana Milioni 2

Maandalizi ya Pwani Innovation Week 2026 yameanza rasmi huku waandalizi wakitangaza mpango kabambe wa kuanzisha biashara mpya 37,000 katika ukanda wa Pwani na kufungua nafasi za ajira kwa takriban vijana milioni mbili.

Hafla hiyo, ambayo ni makala ya saba na pia wataadhimisha miaka kumi ya kituo Cha SwahiliPot Hub Foundation, kuanzia Oktoba 26 hadi 31 ikiwakutanisha wabunifu, wajasiriamali, wawekezaji na wadau kutoka Kenya na nchi mbalimbali ulimwenguni.

Mwenyekiti wa Pwani Innovation Week, Kevit Desai, emsema tukio hilo limekuwa kichocheo muhimu cha ubunifu na ujasiriamali, likichangia kuanzishwa kwa zaidi ya biashara 4,000 katika kipindi cha mwaka mmoja uliopita. Akibainisha kuwa mwaka huu lengo ni kupanua mafanikio hayo kupitia ushauri wa kitaalamu, mafunzo, ujenzi wa mitandao na fursa za biashara kwa maelfu ya vijana.

                 

Kwa upande wake, Mwenyekiti wa chama Cha mawakili tawi la Mombasa Natasha Ali, amepongeza mchango wa SwahiliPot Hub Foundation katika kuwawezesha vijana kupitia mafunzo ya stadi za kazi, uongozi na ujasiriamali.

Amesema programu hizo zimewasaidia maelfu ya vijana kujijengea uwezo na kubadili taswira ya Pwani ya Kenya kuwa kitovu cha ubunifu, maendeleo na ushindani wa kiuchumi duniani.

                     

Mkurugenzi Mkuu wa kituo Cha SwahiliPot Hub Mahmoud Noor amesema taasisi hiyo imewafikia zaidi ya vijana 69,000 kupitia programu za ushauri, ukuzaji wa ujuzi na mitandao, huku zaidi ya viajana 25,000 wakipata ajira au kusaidiwa kuanzisha na kukuza biashara zao.

Noor ameongeza kuwa SwahiliPot imepanua shughuli zake kutoka Mombasa na Kilifi hadi Kitui na Nairobi kupitia ushirikiano na Mastercard Foundation pamoja na Baraza la Kitaifa la Makanisa Kenya (NCCK).

Aidha,amesema taasisi hiyo imetoa zaidi ya Shilingi milioni 1 kusaidia biashara za wanawake 108 na wajasiriamali vijana, sambamba na kuwapa ushauri na huduma za msaada wa kisaikolojia ili kuimarisha uendelevu wa biashara zao.

         

    

Kwa sasa, SwahiliPot Hub Foundation inashirikiana na mashirika 57 kuvutia uwekezaji katika ukanda wa Pwani kupitia Baraza la Maendeleo ya Uchumi (Economic Development Council) linalopendekezwa, likiwa na lengo la kukuza biashara na kuongeza nafasi za ajira kwa vijana.

Waandalizi wanatarajia zaidi ya washiriki na wadau 10,000 kuhudhuria tamasha hilo la wiki moja la ubunifu.

Waandalizi wamesema Pwani Innovation Week 2026 itawaleta pamoja wadau kutoka serikalini, sekta binafsi, mashirika ya maendeleo na taasisi za elimu ili kujenga mazingira yanayowawezesha vijana kubadili mawazo bunifu kuwa biashara endelevu. Kupitia ushirikiano huo, tukio hilo linatarajiwa kuimarisha ukuaji wa uchumi wa Pwani, kuongeza uwekezaji na kufungua fursa zaidi za ajira kwa kizazi kijacho.

               

Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more