Mpango wa PropelA Waanza Mombasa Kuwawezesha Vijana Kupata Ujuzi wa Ajira.

                                                        

Mpango wa PropelA, unaofadhiliwa na Serikali ya Uswisi na unaolenga kupunguza ukosefu wa ajira miongoni mwa vijana kwa kuwapatia mafunzo ya stadi zinazohitajika katika soko la ajira, umeanza kutekelezwa katika Kaunti ya Mombasa baada ya kufanikiwa kwa miaka minne katika kaunti ya Nairobi.

Mkuu wa Programu kutoka Swisscontact, Jimmy Delyon, amesema mpango huo unawalenga vijana wenye umri wa kati ya miaka 18 hadi 25, kwa kuwapa mafunzo ya ufundi na uzoefu wa kazi ili kuongeza nafasi zao za kupata ajira na kujiajiri.

                                         

Deylon ameweka wazi kuwa mpango huo kufika kaunti ya Mombasa umekuja wakati ambapo mahitaji ya wafanyakazi wenye ujuzi yanaongezeka katika eneo la Pwani, hasa katika sekta ya ujenzi, huku waajiri wengi wakikabiliwa na uhaba wa mafundi wenye sifa stahiki.

Akiongeza kuwa mpango wa PropelA unalenga kuwapa vijana ujuzi unaohitajika katika soko la ajira, kuongeza nafasi zao za kupata kazi na kuchangia ukuaji wa uchumi kwa kuziba pengo kati ya elimu ya ufundi na mahitaji ya sekta binafsi.

Mkurugenzi mkuu katika kampuni ya Jupiter Energy Solutions Caroline Kanja amesema kampuni hiyo imejitolea kukabiliana na uhaba wa wataalamu wenye ujuzi nchini kupitia ushiriki wake katika mpango wa PropelA, unaolenga kuwapa vijana ujuzi wa kiufundi na kitaaluma unaohitajika katika soko la ajira.

                                     

Kanja amesema kuwa kampuni hiyo imechangia katika kuandaa mtaala wa mafunzo na kudhamini wanafunzi ili kuzalisha wataalamu wenye uwezo wa kuajiriwa au kujiajiri.

Amebainisha kuwa kuajiri wafanyakazi wasio na ujuzi wa kutosha husababisha makosa au uharibifu mkubwa,kurudiwa kwa kazi na kuchelewesha miradi, jambo linaloathiri tija na sifa ya kampuni.

                                      

Akisisitiza kuwa uwekezaji katika mafunzo ya ufundi unawapa vijana ujuzi wa vitendo, kipato cha uhakika na kujiamini, hivyo kuwasaidia kuwa wanajamii wenye tija na wajasiriamali wenye mafanikio.


Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more