Kalonzo Apinga Uuzaji wa Hisa za Serikali katika kampuni ya mawasiliano ya Safaricom.

Kiongozi wa Chama cha Wiper, Dkt. Stephen Kalonzo Musyoka, amepinga hatua ya Serikali kukamilisha uuzaji wa hisa zake za asilimia 15 katika kampuni ya Safaricom PLC kwa Vodacom, akisema mchakato huo umefanyika kabla ya Mahakama Kuu kutoa uamuzi kuhusu kesi ya kikatiba inayopinga mauzo hayo.

Kupitia taarifa kwa vyombo vya habari Kalonzo amesema Serikali iliharakisha kukamilisha shughuli hiyo mara baada ya Mahakama ya Rufaa kuondoa amri za kusimamisha mauzo hayo mnamo Juni 26, 2026, ilhali kesi ya msingi bado inasubiri uamuzi wa Mahakama Kuu unaotarajiwa kutolewa ndani ya wiki mbili zijazo.

Kalonzo amesema Mahakama ya Rufaa haikuamua iwapo mauzo hayo yalikuwa halali, kama kulikuwa na ushirikishwaji wa kutosha wa wananchi au kama hisa za Safaricom zilithaminiwa kwa haki. Amesisitiza kuwa masuala hayo ya kikatiba bado hayajapatiwa uamuzi.

Aidha, ameeleza kuwa Safaricom ni rasilimali muhimu kwa taifa kutokana na nafasi yake katika uchumi wa kidijitali wa Kenya kupitia huduma ya M-Pesa, mawasiliano, biashara na utoaji wa huduma mbalimbali za umma.

Kwa mujibu wa Kalonzo, Serikali iliuza takribani hisa bilioni sita kwa bei ya Shilingi 34 kwa kila hisa, hatua iliyopunguza umiliki wake kutoka asilimia 35 hadi asilimia 20 na kuipa Vodacom umiliki wa takribani asilimia 55. Amedai kuwa ushahidi wa wataalamu uliowasilishwa mahakamani ulionyesha thamani halisi ya kila hisa kuwa karibu Shilingi 57.90.

Pia amehoji sababu za Serikali kuachana na mapato ya gawio ambayo yangepatikana katika siku chache zijazo badala ya kusubiri uamuzi wa Mahakama Kuu kabla ya kukamilisha mauzo hayo.

Kalonzo amesema shughuli hiyo inaibua maswali kuhusu uwazi, uwajibikaji, uthamini wa mali ya umma na kuheshimu utawala wa sheria. Ameongeza kuwa ataendelea kutumia njia zote za kisheria na kikatiba kupinga mauzo hayo.

Vilevile ametoa wito kwa Wakenya kujisajili kama wapiga kura na kushiriki katika Uchaguzi Mkuu wa mwaka 2027 ili kuhakikisha viongozi wanawajibika kwa wananchi.

Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more