Bodaboda 1300 Kaunti ya Mombasa wafaidika na mafunzo na leseni za udereva kuimarisha usalama barabarani.

                                         

Jumla ya wahudum wa bodaboda 1,300 wamenufaika na mafunzo pamoja na kupatiwa leseni za udereva na vyeti vya Recognition of Prior Learning (RPL) katika awamu ya kwanza ya mpango ulioanzishwa na Serikali ya Kaunti ya Mombasa ili kuimarisha usalama barabarani na kurasimisha sekta ya bodaboda.

                                       

Mpango huo ni sehemu ya juhudi za kurasimisha sekta ya bodaboda, ambayo serikali ya kaunti inasema huchangia takriban Shilingi milioni 25 katika uchumi wa Mombasa kila siku, sawa na zaidi ya Shilingi bilioni 9 kwa mwaka.

Akizungumza wakati wa hafla ya kupeana vyeti pamoja na pikipiki,waziri wa barabara na miundombinu katika kaunti ya Mombasa Daniel Manyala, amesema sekta ya bodaboda imekuwa nguzo muhimu ya uchumi wa Mombasa kwa kutoa ajira kwa maelfu ya watu na kusaidia familia nyingi kujipatia kipato.

                                             

Manyala akisema Mombasa ina takriban waendesha bodaboda 30,000, hali inayofanya sekta hiyo kuwa miongoni mwa sekta kubwa zaidi zisizo rasmi katika kaunti hiyo.

Hata hivyo, ameeleza wasiwasi wake kuhusu usalama barabarani, akibainisha kuwa watu 30 walifariki dunia kutokana na ajali za bodaboda mwaka uliopita, wakiwemo waendesha bodaboda 18 na abiria 12. Aidha, watu wengine 220 walijeruhiwa vibaya katika ajali hizo.

                                                  

Kwa mujibu wa serikali ya kaunti, zaidi ya Shilingi milioni 45 zilitumika mwaka jana kugharamia matibabu ya majeruhi wa ajali za bodaboda katika hospitali za umma, huku wengi wao wakipata majeraha makubwa yaliyohitaji matibabu ya muda mrefu.

                                         

Manyala akisema baadhi ya ajali hizo zinasababishwa na ukosefu wa mafunzo stahiki, akifichua kuwa karibu waendesha bodaboda 8,000 bado wanaendesha bila leseni halali za udereva.

Kulingana na Gavana Abdulswamad Shariff Nassir Serikali yake inalenga kuwafikia waendesha bodaboda 3,000 ambao tayari wamewasilisha majina yao kwa ajili ya kushiriki katika mpango huo, huku mafunzo sawia na hayo yakitarajiwa kuwahusisha waendesha pikipiki za usafirishaji wa bidhaa (delivery riders), na pia madereva wa matatu na tuk-tuk.

                                 

Abdulswamad akisema mpango huo unalenga kuboresha usalama barabarani, kuimarisha taaluma katika sekta ya bodaboda na kuongeza fursa za kiuchumi kwa maelfu ya waendesha pikipiki katika Kaunti ya Mombasa.

Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more