Waziri Amadoh Awahimiza Wakazi wa Mwakirunge Kuunga Mkono Miradi ya Maendeleo.

                                                                                                              

Huku uchaguzi mkuu wa mwaka 2027 ukizidi kukaribia na siasa zikipamba moto katika Kaunti ya Mombasa, Waziri wa Ardhi, Makao na Ustawi wa Jiji la Mombasa, Mohammed Hussein Amadoh, amewatahadharisha wakazi wa kaunti hiyo dhidi ya kuhadaiwa kisiasa na kushawishiwa kupinga miradi mbalimbali ya maendeleo.


Akizungumza katika kikao na wakazi wa eneo la Guu Ng'ombe-Mwakirunge, katika Eneo Bunge la Kisauni, Amadoh amesema ni muhimu kwa wananchi kuwa makini na kauli zinazotolewa na viongozi wa kisiasa, hasa kuhusu masuala ya maendeleo na umiliki wa ardhi.


Amesisitiza kuwa wananchi wanapaswa kuunga mkono miradi inayolenga kuboresha maisha yao na kuhakikisha kuwa masuala ya kisiasa hayatatumiwa kuzuia utekelezaji wa miradi ya maendeleo katika kaunti hiyo.

                                                     

Kauli zake zimeungwa mkono na Mwakilishi wa Wadi ya Mwakirunge, Mwinyi Mtoto, ambaye ameitaka Serikali ya Kaunti ya Mombasa kuimarisha ushirikiano na wakazi wa eneo hilo ili kufanikisha maendeleo sawia na kuharakisha zoezi la ugavi wa hatimiliki za ardhi.


Kwa upande wao, wakazi wakiongozwa na John Jefwa na Purity Kadzo waliitaka serikali kuanzisha mchakato wa utoaji wa hatimiliki za ardhi kwa wakazi wa eneo hilo, wakisema hatua hiyo itawawezesha kunufaika kikamilifu na miradi ya maendeleo inayopangwa kutekelezwa na serikali.

                                           

Wakazi hao wameeleza kuwa umiliki rasmi wa ardhi kupitia hatimiliki utachangia kuboresha maisha yao kiuchumi na kuimarisha usalama wa makazi yao.

Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more