Wafanyabiashara wadogo 3000 kufaidika na mafunzo na fedha kutoka kwa Benki ya Absa na Google Hustle Academy.

                                                        


Benki ya Absa Kenya PLC kwa ushirikiano na Google Hustle Academy wametangaza ushirikiano wa kimkakati unaolenga kutoa mafunzo ya biashara na msaada wa kifedha kwa wafanyabiashara wadogo (SMEs) 3,000 nchini katika kipindi cha miezi 12 ijayo.

Mpango huo unalenga kuwafikia na kuwawezesha wafanyabiashara kwa kuwapa ujuzi wa kidijitali, maarifa ya kifedha, mikakati ya kukuza biashara pamoja na mwongozo wa kurasimisha na kupanua shughuli zao kwa njia endelevu.Kufikia sasa, programu hiyo imefaidi makundi matatu ya mafunzo yaliyohudhuriwa na zaidi ya wafanyabiashara 600.

Akizungumza kuhusu ushirikiano huo, Mkurugenzi wa Huduma za Biashara wa Absa Bank Kenya, Renato D’Souza, amesema benki hiyo imejitolea kuwawezesha wafanyabiashara kwa kuwapatia zana na rasilimali wanazohitaji kufanikiwa.

“Tunafurahia kushirikiana na Google kupeleka Hustle Academy kwa wajasiriamali wengi zaidi nchini Kenya. Kwa kuunganisha utaalamu wa kidijitali wa Google na suluhisho zetu za kifedha, tuna imani kuwa tutasaidia biashara ndogo na za kati kurasimisha na kukuza shughuli zao,” amesema.

Kupitia ushirikiano huo, Absa Bank Kenya itawapa washiriki ushauri wa kifedha, huduma za ushauri wa biashara, pamoja na fursa za kupata bidhaa maalum za benki kwa biashara ndogo na za kati, ikiwemo mikopo, zana za usimamizi wa mtiririko wa fedha na fursa za masoko.

                                       

Kwa upande wake, Kristy Grant wa Google Hustle Academy amesema mustakabali wa uchumi wa kidijitali barani Afrika uko mikononi mwa wajasiriamali na watu binafsi.

“Tunaamini kuwa kwa kuwapa watu mafunzo ya matumizi ya zana za kisasa zinazotumia Akili mnemba AI, tunajenga msingi wa ukuaji wa muda mrefu na kuwaunganisha moja kwa moja na bidhaa za kiwango cha kimataifa za Google,” amesema.

Google Hustle Academy ni kambi ya mafunzo ya siku moja inayofanyika mtandaoni bila malipo, iliyobuniwa kusaidia biashara ndogo kustawi katika uchumi wa kidijitali. Mpango huo unalenga kuwafundisha washiriki matumizi ya zana na mbinu za kisasa zinazotegemea Akili mnemba (AI), huku ikiwaunganisha moja kwa moja na bidhaa na huduma za Google ili kusaidia ukuaji wa biashara zao.

Mafunzo hayo yanajumuisha warsha za vitendo, vipindi vya ushauri kutoka kwa wataalamu pamoja na fursa za kujifunza kutoka kwa wafanyabiashara wenzao, ili kuhakikisha washiriki wanapata maarifa yanayoweza kutumika moja kwa moja katika biashara zao.


Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more