Viongozi wa kiislamu wapongeza Kujumuishwa kwa Duksi na Madrasa Kwenye Mfumo wa Elimu Nchini.



Viongozi wa dini ya Kiislamu kutoka ukanda wa Pwani wamepongeza hatua ya Rais William Ruto ya kutaka mafunzo ya Madrasa na Duksi yajumuishwe katika mfumo wa elimu ya taifa, wakisema hatua hiyo itasaidia kuwajenga wanafunzi kiimani, kuwawezesha kuifahamu dini yao kwa kina kukuza hadhi ya madrasa na duksi.

Wakizungumza na waandishi wa habari mjini Mombasa, wakiongozwa na Mwenyekiti wa Pwani Patriotic Religious Leaders, Sheikh Abu Qatada, viongozi hao wamesema hatua hiyo itawasaidia wanafunzi kufuata maamrisho ya Mwenyezi Mungu na kuwaepusha na mienendo isiyokubalika kijamii.

Sheikh Abu Qatada amesema kutambuliwa kwa masomo ya dini ya Kiislamu na serikali ni ishara kwamba Rais Ruto ni kiongozi anayethamini dini zote na anatambua umuhimu wa kumcha na kumtumikia Mungu.

Aidha, amesema kuwa kujumuishwa kwa mafunzo ya Madrasa na Duksi kutatoa fursa kwa walimu waliohitimu katika masomo hayo kupata ajira katika shule za umma na za kibinafsi, jambo litakalowawezesha kujikimu kimaisha.

"Tunamshukuru sana Rais kwa kutukumbuka sisi kama jamii ya Waislamu katika taifa hili. Tunampongeza kwa hatua aliyochukua ya kuhakikisha elimu ya Madrasa na Duksi inatambuliwa rasmi katika mfumo wa elimu wa serikali," alisema.

Kwa upande wake, Katibu wa Chuo cha Mafunzo ya Kiislamu cha Sheikh Siraj Rahman, Salim Kifaru, amesema tayari taasisi yao imeanzisha mfumo wa mafunzo unaotambulika kitaifa, ambao utawawezesha wahitimu kupata ajira kupitia vyeti vinavyotambuliwa.

Amesema kauli ya Rais Ruto inafungua njia kwa Madrasa na Duksi kuwa na mtaala unaoendana na mfumo wa elimu nchini, hali itakayowezesha utoaji wa vyeti vinavyotambuliwa na Wizara ya Elimu.

"Hii ni tunu kubwa ambayo Rais Ruto ametupatia sisi Waislamu, na tuna wajibu wa kushirikiana na serikali kuhakikisha hatua hii inatekelezwa kwa manufaa ya wanafunzi na jamii kwa ujumla," alisema.

Naye Mwenyekiti wa Muungano wa Maimamu na Walimu wa Madrasa wa Kilifi Kusini, Sheikh Hassan Mubarak, amesema hatua hiyo ni ya kihistoria na ya maendeleo kwa kuwa itahakikisha ushirikishwaji na upatikanaji sawa wa elimu kwa watoto wote bila ubaguzi.

 

Akitoa wito kwa Wizara ya Elimu kuhakikisha agizo hilo linatekelezwa kikamilifu ili watoto wote waweze kupata elimu bora na inayotambuliwa rasmi.

"Tunashukuru na kupongeza uamuzi huu wa busara uliofanyika kwa wakati mwafaka. Ni hatua yenye manufaa makubwa kwa taifa na kwa vizazi vya sasa na vijavyo," alisema.

Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more