Ulimwengu Waadhimisha Siku ya Mazingira Himizo la uhifadhi Mazingira likitolewa.

 


Huku ulimwengu ukiadhimisha Siku ya Mazingira Duniani, wakazi wa Kaunti ya Mombasa wameungana kuadhimisha siku hiyo kwa kushiriki zoezi la upandaji miti katika maeneo mbalimbali ya mji huo.

Akizungumza wakati wa maadhimisho hayo, Afisa Mkuu anayesimamia masuala ya uendelevu wa mazingira katika Kaunti ya Mombasa, Basil Agaga, amesema kuwa ni wajibu wa kila mwananchi kulinda mazingira huku wakishirikiana kukabiliana na athari za mabadiliko ya tabianchi licha ya changamoto zinazojitokeza.

Wanamazingira wakipanda miti

Agaga amewahimiza wananchi kukumbatia utamaduni wa kupanda miti ili kusaidia kuhifadhi mazingira na kuboresha hali ya hewa.

Ameahidi kuwa serikali ya kaunti itaendelea kushughulikia changamoto za maji taka na mafuriko ambazo zimekuwa zikiathiri baadhi ya maeneo ya Mombasa.

Kwa upande wake, Michelle Masai kutoka shirika la Midela ameangazia umuhimu wa miti katika kupunguza kiwango cha joto na kuboresha mazingira huku akiwataka wananchi kuacha tabia ya kutupa taka ovyo kwani huchangia uchafuzi wa mazingira na kuziba mifereji ya maji.

                                                

Naye mwanamazingira Zakia Mkanyika ameisihi Serikali ya Kaunti ya Mombasa kuwapa ulinzi akieleza kuwa wamekuwa wakikumbana na changamoto za usalama kutoka kwa baadhi ya wanajamii wanapotekeleza majukumu yao. 

                                          

Vilevile, ameitaka jamii kushiriki kikamilifu katika juhudi za kuhifadhi mazingira, akisisitiza kuwa mazingira safi ni msingi wa afya bora na uhai wa vizazi vya sasa na vijavyo.

Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more