Seneta Miraj Abdillahi Apongeza juhudi za serikali katika Kupambana na Mihadarati Mombasa.

 


Seneta Mteule katika kaunti ya Mombasa Miraj Abdillahi amepongeza idara za usalama kwa juhudi zake za kupambana na matumizi ya mihadarati pamoja na kuimarisha usalama katika Kaunti ya Mombasa, hatua ambayo amesema imechangia kupungua kwa visa vya uhalifu na utovu wa usalama vilivyokuwa vikishuhudiwa katika maeneo mbalimbali ya kaunti hiyo. Amesema mafanikio hayo yametokana na ushirikiano mzuri kati ya vyombo vya usalama na wananchi.

Akizungumza katika eneo bunge la Jomvu wakati wa maadhimisho ya Siku ya Kimataifa ya Kupambana na Dawa za Kulevya, Miraj amesema ukanda wa Pwani kwa miaka mingi umekuwa ukikabiliwa na changamoto ya matumizi na biashara ya mihadarati. Hata hivyo, amebainisha kuwa kupitia ushirikiano kati ya Wizara ya Usalama wa Ndani, vyombo vya usalama na serikali ya kaunti, hatua kubwa zimepigwa katika kudhibiti tatizo hilo. Amesema juhudi hizo zimewaokoa vijana wengi kutoka katika uraibu wa dawa za kulevya na kuwapa fursa ya kujijenga upya na kuboresha maisha yao.

Aidha, amewapongeza vijana pamoja na mashirika mbalimbali ya kijamii ambao wamejitolea kuwasaidia wenzao kuachana na matumizi ya dawa za kulevya kupitia ushauri nasaha, mafunzo ya stadi za maisha na programu za kuwawezesha kiuchumi. Akisema mchango wao umeleta matumaini kwa vijana wengi waliokuwa wamekata tamaa.

                                                 

Seneta huyo pia ametoa pongezi maalum kwa Mkurugenzi wa Shirika la Reachout, Taib Abdulrahman, kwa kujitolea kwake kupambana na tatizo la mihadarati na kuwawezesha vijana kupitia programu mbalimbali za urekebishaji na maendeleo. Akiitaka serikali kutambua na kuunga mkono juhudi zake pamoja na mashirika mengine yanayofanya kazi ya kuwaokoa vijana dhidi ya matumizi ya dawa za kulevya.

Miraj pia amempongeza Gavana wa Mombasa kwa juhudi zake za kupambana na matumizi na usambazaji wa dawa za kulevya, akisema kampeni hizo zimeleta matokeo chanya. Amewataka vijana kuachana kabisa na matumizi ya mihadarati, wakisisitiza kuwa kufanya hivyo kutawapa nafasi ya kutimiza ndoto zao, kujijengea maisha bora na kuchangia maendeleo ya jamii na taifa kwa ujumla.

Vilevile seneta Miraj ameitaka serikali kupeleka huduma za usajili na utoaji wa vyeti vya kuzaliwa moja kwa moja katika shule za ukanda wa Pwani ili kuwawezesha wanafunzi wengi kupata vyeti hivyo kwa urahisi. Akisema hatua hiyo itasaidia shule kusajili wanafunzi ipasavyo na kunufaika na mgao wa fedha unaotolewa na serikali kulingana na idadi halisi ya wanafunzi.

 

 


Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more