Zaidi ya walimu wakuu 10,000 wa shule za sekondari kukongamana Mombasa katika warsha ya kila mwaka.

Muungano wa Walimu Wakuu wa Shule za Sekondari nchini (KESSHA) umeanza Kongamano lake la 49 la Kitaifa la KCB/KESSHA katika Ukumbi wa Sheikh Zayed kaunti ya Mombasa, likiwakutanisha wakuu wa shule za sekondari kutoka maeneo mbalimbali nchini kujadili mustakabali wa elimu na utekelezaji wa Elimu ya Umilisi (CBE) huku zaidi ya walimu wakuu elfu kumi wakitarajiwa kuhudhuria.

Kongamano hilo la siku tano linaongozwa na kaulimbiu ya “Shule Imara na Uongozi wa Ushirikiano kwa Kuendeleza Elimu ya Umilisi.”


Akizungumza katika mkutano na wanahabari kabla ya kuanza kwa kongamano hilo, Mwenyekiti wa Kitaifa wa KESSHA, Willie Kuria, amesema kaulimbiu hiyo inaakisi dhamira ya chama hicho ya kuimarisha uongozi wa shule, kuendeleza ushirikiano kati ya wadau wa elimu, na kuhakikisha utekelezaji wenye mafanikio wa Elimu ya Umilisi nchini.


Kuria amesisitiza kuwa mageuzi ya sekta ya elimu yanahitaji taasisi imara, uongozi wenye maono, ushirikiano madhubuti na mafunzo endelevu kwa walimu na viongozi wa elimu.


Amesema wamependekeza hatua kali za kukabiliana na ongezeko la visa vya utovu wa nidhamu shuleni.


Miongoni mwa mapendekezo hayo ni kuwa wanafunzi watakaohusika katika vurugu za shule waondolewe kwenye usajili wa Baraza la Kitaifa la Mitihani nchini Kenya (KNEC) na kuruhusiwa kujisajili upya baadaye.

Pia amependekeza kuwa wanafunzi wasiopenda kuendelea na masomo katika shule za bweni wahamishiwe shule za kutwa, huku ikisisitiza kuwa kubadilisha shule zote za bweni kuwa za kutwa hakutamaliza changamoto ya utovu wa nidhamu.


“Mapendekezo haya mapya yanalenga kukabiliana na utovu wa nidhamu shuleni. Kubadilisha shule za bweni kuwa za kutwa pekee hakuwezi kumaliza tatizo la vurugu mashuleni,” alisema Kuria.


Aidha ametoa wito wa kuongezwa kwa fedha za ruzuku kwa kila mwanafunzi, wakisema kiwango cha sasa cha shilingi 17,500 kwa kila mwanafunzi hakitoshelezi mahitaji ya utekelezaji wa Mtaala wa Umilisi (CBC).


Kuria alieleza kuwa kongamano la kila mwaka la KESSHA ni jukwaa muhimu linalowaleta pamoja wakuu wa shule za sekondari kutafakari masuala yanayoibuka katika sekta ya elimu, kubadilishana uzoefu na mbinu bora, kujifunza kutoka kwa wataalamu na watunga sera, pamoja na kutoa maoni ya kitaalamu kuhusu masuala yanayoathiri elimu na maendeleo ya taifa.


Washiriki wa kongamano hilo watajadili masuala mbalimbali ikiwemo uongozi katika mazingira ya elimu yanayobadilika, mabadiliko ya kidijitali shuleni, ujenzi wa taasisi imara za elimu na kuimarisha mageuzi yanayoendelea katika sekta ya elimu.


Kongamano hilo linatarajiwa kutoa jukwaa kwa viongozi wa elimu kubadilishana mawazo na kubuni mbinu bunifu zitakazosaidia kuboresha ubora na ufanisi wa elimu ya sekondari nchini.

Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more