Kenya Yasisitiza Ushirikiano wa Kimataifa katika Kuhifadhi Bahari.

 


Serikali ya Kenya imetoa wito kwa jumuiya ya kimataifa kuchukua hatua za haraka na madhubuti kulinda mifumo ya ikolojia ya bahari na kuimarisha uchumi samawati wakati viongozi na wadau kutoka mataifa mbalimbali wakikutana katika Our Ocean Conference linalofanyika kaunti ya Mombasa.

Akizungumza wakati wa ufunguzi rasmi wa kongamano hilo katika Hoteli ya PrideInn,naibu wa rais Kithure Kindiki amesema uhusiano wa Afrika na bahari ni wa kihistoria, wa kina na wa kudumu, akibainisha kuwa pwani, bandari na mifumo ya ikolojia ya bahari imekuwa msingi wa ustawi wa jamii nyingi kwa karne nyingi kupitia biashara, utamaduni na uchumi.

                                           

Amesema uchumi wa bahari duniani kwa sasa unakadiriwa kuwa na thamani ya takribani dola trilioni 3.3 za Marekani kwa mwaka, sawa na asilimia 2.5 ya pato la taifa la dunia, huku ukitarajiwa kufikia dola trilioni 5.5 ifikapo mwaka 2030 kupitia sekta kama usafirishaji wa majini, uvuvi, utalii wa pwani, nishati ya baharini na teknolojia ya viumbe wa majini.

Amesisitiza kuwa uchumi samawati haupaswi kuangazia tu uchimbaji wa rasilimali za bahari, bali pia usimamizi endelevu ili kuhakikisha mifumo ya ikolojia ya bahari inalindwa kwa manufaa ya vizazi vijavyo.

Taifa la Kenya limethibitisha upya kujitolea kwake kutekeleza makubaliano ya kimataifa ya mazingira, yakiwemo Makubaliano ya Paris, Mfumo wa Kimataifa wa Bayoanuai wa Kunming-Montreal na lengo la kulinda asilimia 30 ya maeneo ya baharini na pwani ifikapo mwaka 2030.

                                                

Aidha, Kenya imeahidi kuharakisha utekelezaji wa Makubaliano ya BBNJ barani Afrika na kuimarisha juhudi za kukabiliana na uchafuzi wa plastiki kupitia mikataba ya kimataifa yenye nguvu za kisheria.

Kiongozi huyo pia ameeleza kuwa Kenya inaendelea kupanua maeneo ya hifadhi za bahari, kurejesha mikoko na nyasi za bahari, kuunda ajira za sekta ya baharini, kujenga bandari rafiki kwa mazingira na kuwekeza katika miradi ya kaboni pamoja na nishati mbadala inayotokana na bahari.

Amesisitiza kuwa hakuna taifa linaloweza kukabiliana na changamoto za bahari peke yake, akitoa wito wa kuimarishwa kwa ushirikiano katika nyanja za ufadhili, teknolojia, ubunifu na ujenzi wa uwezo.

                                                 

Kindiki amewataka wajumbe kubadili ahadi kuwa vitendo na kufanya kongamano hilo kuwa hatua muhimu katika juhudi za kimataifa za kulinda bahari.

Kongamano hilo limefunguliwa rasmi kwa wito wa kuimarisha ushirikiano wa kimataifa ili kuhakikisha bahari inakuwa salama, safi na zenye ustahimilivu kwa vizazi vya sasa na vijavyo.

Kongamano hilo linafanyika chini ya kaulimbiu "Bahari Yetu, Urithi Wetu, Mustakabali Wetu", wakati ambapo dunia inakabiliwa na changamoto zinazoongezeka za mabadiliko ya tabianchi, uchafuzi wa mazingira na shughuli za kibinadamu zinazoweka shinikizo kubwa kwa bahari.

                                                           


Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more