Kamishna wa Mombasa awaonya Wanasiasa dhidi ya Kutumia Wahuni Kuvuruga Mikutano ya Kisiasa.

 

 

Huku maandalizi ya Uchaguzi Mkuu wa mwaka 2027 yakizidi kushika kasi, Kamishna wa Kaunti ya Mombasa, Mohamed Nur, ametoa onyo kali kwa wanasiasa wanaotumia magenge ya wahuni na vijana kuvuruga mikutano ya kisiasa ya wapinzani wao au kujifanya maafisa wa usalama.

 Akizungumza wakati wa maadhimisho ya Siku ya Madaraka yaliyofanyika katika Uwanja wa Bilima, Kaunti Ndogo ya Kisauni,Nur amesema vyombo vya usalama vinafuatilia kwa karibu shughuli za kisiasa na havitasita kuchukua hatua kali dhidi ya yeyote atakayekiuka sheria.

 Kamishna huyo alisisitiza kuwa kudumisha amani, utulivu na usalama ni jukumu la kila mwananchi, akiongeza kuwa hakuna mtu atakayelindwa kutokana na hatua za kisheria kwa misingi ya hadhi au cheo chake Kwa jamii, ushawishi wa kisiasa au chama anachokiunga mkono.

 Nur alieleza wasiwasi wake kuhusu ongezeko la visa ambapo baadhi ya wanasiasa wanadaiwa kuwatumia vijana na makundi ya wahuni kusababisha vurugu katika mikutano ya kisiasa, akisema tabia hiyo inahatarisha amani, demokrasia na mshikamano wa kitaifa.

 Aliwataka viongozi wa kisiasa kuendesha shughuli zao kwa uwajibikaji na kuheshimu haki za wapinzani wao kufanya mikutano na kuwasiliana na wafuasi wao bila kuingiliwa.

 Aidha, aliwashauri wanasiasa wanaohitaji ulinzi wakati wa shughuli zao kutafuta huduma rasmi za usalama kutoka kwa Jeshi la Polisi badala ya kutegemea wahuni au makundi ambayo hayajaidhinishwa.

 Kamishna huyo pia aliwataka wakazi wa Mombasa kushirikiana na vyombo vya usalama kwa kutoa taarifa kuhusu watu wanaopanga au kushiriki katika vitendo vya uhalifu na vurugu vinavyoweza kuvuruga mikutano ya umma.

 Kauli zake zinajiri wakati shughuli za kisiasa nchini zinaendelea kuongezeka kuelekea Uchaguzi Mkuu wa mwaka 2027, huku serikali na vyombo vya usalama vikiahidi kuhakikisha kuwa kampeni na mikutano ya kisiasa inafanyika kwa amani, utulivu na kwa kuzingatia sheria za nchi.

Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more