Kamati ya Fedha Yaahidi Kujumuisha Maoni ya Wananchi Katika Miswada ya Kifedha.

 


Zoezi la ukusanyaji wa maoni ya wananchi na elimu ya uraia kuhusu miswada mbalimbali ya kifedha limekamilika nchini, huku wananchi wakitoa mapendekezo muhimu yanayolenga kuboresha sera za kodi na usimamizi wa uchumi.

Akizungumza baada ya kukamilika kwa zoezi hilo katika kaunti ya Mombasa, mwenyekiti wa Kamati ya Fedha na Mipango ya Kitaifa Kuria Kimani amesema shughuli hiyo imefanyika katika kaunti 15 zilizoko katika maeneo mbalimbali nchini, ikiwemo Wajir, Turkana, Kwale, Kilifi, Tana River, Makueni, Kiambu na Nairobi.

                                                            

Wananchi wakipata fursa ya kujadili Mswada wa Fedha wa mwaka 2026/27, Mswada wa Marekebisho ya Benki Kuu ya Kenya (CBK), Mswada wa Marekebisho ya Mamlaka ya Ukusanyaji Ushuru ya Kenya (KRA) pamoja na Mswada wa Marekebisho ya Hazina ya Taifa ya Uwekezaji (Sovereign Wealth Fund).

Miongoni mwa masuala yaliyoibuliwa ni pendekezo la ushuru wa simu za mkononi. Wananchi wakieeleza kuwa ingawa kuna mpango wa kupunguza kiwango cha ushuru kutoka asilimia 55.5 hadi 50, bado kuna mkanganyiko kuhusu pendekezo la kulipa ushuru wakati wa kuwasha simu kwa mara ya kwanza. Wengi wakipendekeza ushuru huo ulipwe mara moja wakati wa kununua simu.

                                                                 

Aidha, wananchi walitaka wafanyakazi wanaopata mshahara usiozidi Shilingi elfu 30,000 waondolewe ushuru wa PAYE ili kupunguza gharama ya maisha.

Kamati hiyo imeahidi kuwasilisha mapendekezo ya marekebisho ya miswada hiyo bungeni wiki ijayo baada ya kuyajumuisha maoni ya wananchi kote nchini.

Akiongelea swala la safari za Rais nje ya nchi, kiongozi huyo alisema ziara hizo zina manufaa ya moja kwa moja kwa uchumi wa taifa kupitia makubaliano ya biashara na kidiplomasia.

Amesema ziara ya Iran ilifanikisha makubaliano ya kuuza chai ya Kenya moja kwa moja katika soko hilo, huku mazungumzo yaliyofanyika Afrika Kusini yakichangia kuondolewa kwa masharti ya visa kwa Wakenya wanaotembelea nchi hiyo.

                                                              

Akiongeza kuwa hatua hizo zinaimarisha pasipoti ya Kenya na kufungua fursa zaidi za ajira, biashara na utalii kwa wananchi.

Mwenyekiti huyo amesisitiza kuwa mapendekezo yote yaliyokusanywa yatajadiliwa na kuwasilishwa kama marekebisho ya sheria husika.

Pia ameahidi kuwa sauti za wananchi kuhusu ukosefu wa imani kwa viongozi wao zitazingatiwa katika mijadala ya bunge.

                                                            

Amesema watachunguza sababu za kucheleweshwa kwa malipo ya pensheni kwa baadhi ya wastaafu wa Mamlaka ya Bandari Kenya (KPA).

Kamati hiyo ilisema michango ya pensheni hukatwa moja kwa moja kutoka mishahara ya wafanyakazi na kuwekeza, hivyo hakuna sababu ya msingi ya kucheleweshwa kwa malipo baada ya mfanyakazi kustaafu.

Baada ya mchakato wa bajeti kukamilika, kamati hiyo inapanga kuwaita wadau husika ili kutafuta suluhu ya kudumu kwa tatizo hilo ambalo limewaathiri wastaafu wengi wa Mombasa.

Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more