Viongozi kutoka kaunti ya Mombasa wajitokeza kumtetea Hassan Omar Sarai.



Baadhi ya viongozi na wakazi wa Kaunti ya Mombasa wanaendelea kujitokeza kumtetea Katibu Mkuu wa Chama cha UDA, Hassan Omar Sarai, kufuatia semi zake zilizoibua utata.

Hii ni baada baadhi ya viongozi kutoka eneo la Mlima Kenya kushinikiza Katibu mkuu huyo wa UDA ajiuzulu kutoka wadhifa wake kwa madai ya  semi zake zinachochea ukabila.

Wakiongozwa na mwanaharakati wa kisiasa Said Twaha wamesema kuwa kauli za Sarai zilikuwa zinalenga kutetea haki za wakazi wa Pwani waliopokonywa mashamba yao, na wala hazikulenga kuchochea jamii yoyote kama inavyodaiwa na baadhi ya viongozi hao.

Twaha amesema wataendelea kusimama kidete na Katibu Mkuu huyo wa UDA kwa kuwa amekuwa nguzo muhimu ya umoja na mshikamano wa amani katika eneo la Pwani.

Aidha, amemhakikishia Rais kuwa watafanya kila juhudi kuhakikisha chama cha UDA kinapata asilimia 100 ya kura katika uchaguzi mkuu wa mwaka 2027.

“Hassan Sarai ameongea kutetea watu wake WA pwani na hakuchochea ukabila,sisi tumeishi Kwa amani tangu jadi. Tunamwambia Rais tunataka Hassan Sarai asibanduliwe katika wadhafa wake”.

                                       

Kwa upande wake, mmoja wa viongozi wa vijana kutoka Kaunti ya Mombasa, Suleiman Hassan, amesema vijana wataendelea kumuunga mkono Sarai na hawatakubali abanduliwe katika wadhifa huo.

Amesema Sarai aliteuliwa na Rais kwa lengo la kuimarisha ujumuishaji wa jamii mbalimbali serikalini na kwamba ameendelea kutekeleza majukumu yake kwa weledi na ufanisi.

“Maneno ya Sarai kujiuzulu tumekataa.katika UDA viti vimegawanywa kuleta ujumuishwaji WA Kila jamii,kutaka kumtoa ni kutuonea”.

Naye Mohamed Yere, mmoja wa viongozi kutoka jamii ya Wasomali katika Kaunti ya Mombasa, amesema kuwa iwapo Sarai ataondolewa katika nafasi yake, wao pia watajiondoa ndani ya chama hicho. 

Amekemea vikali madai kwamba Sarai anachochea ukabila, akisema amekuwa kinara wa kuunganisha jamii tofauti.

“Sisi kama jamii ya Wasomali tumekataa na akitolewa tutatoka na yeye. Sarai hana ukabila wenye ukabila wabaki na ukabila wao”.

Joyce Wairimu amesema kuwa wakazi wa Mombasa wameishi kwa amani na mshikamano kwa miaka mingi bila ubaguzi wa kikabila, na kwamba Sarai amekuwa na mchango mkubwa katika kuimarisha umoja huo.

Kwa upande wake, Halima Omar amesema Sarai ni kiongozi anayeheshimu na kuthamini jamii zote bila kujali kabila, na kwamba amekuwa akifanya kazi kwa misingi ya usawa na ujumuishaji.

Comments

Post a Comment

Popular posts from this blog

Viongozi wa Kidini PPRL Waunga Mkono Agizo la wizara ya elimu la Ratiba ya Masomo Shuleni

Image
          Viongozi wa kidini wa Pwani Patriotic Religious Leaders (PPRL) wakiongozwa na Mwenyekiti wao Sheikh Abu Qatada, wameunga mkono na kupongeza agizo la Waziri wa Elimu Julius Migosi Ogamba kuhusu kufuata muda rasmi wa masomo shuleni. Kwa mujibu wa agizo hilo, masomo yanafaa kuanza saa mbili asubuhi na kutamatika saa tisa na nusu alasiri. Sheikh Abu Qatada amesema viongozi wa kidini na wazazi wamekuwa na wasiwasi kuhusu mzigo mkubwa wanaobebeshwa wanafunzi kwa kulazimika kuondoka nyumbani mapema alfajiri na kurejea jioni.          Amesema muda mwingi ambao wanafunzi hutumia shuleni umekuwa ukiwanyima fursa ya kukaa na wazazi wao, huku walimu wa madrasa pia wakikosa muda wa kutosha kuwafundisha elimu ya dini ya Kiislamu na maadili mema. Amesema ni muhimu watoto kupata elimu ya shule pamoja na elimu ya dini, akisisitiza kuwa hata kama mtoto atafanikiwa kuwa kiongozi au kufanikiwa kimaisha, bila kuwa na maadili...
Read more

Mbunge Feisal Bader Atuhumiwa Kuzuia Msambweni Talent Show Kufanyika Mvindeni Youth Centre.

Image
    Waandalizi wa Msambweni Talent Show wamemtuhumu Mbunge wa Msambweni, Faisal Badar, kwa kuzuia matumizi ya Mvindeni Youth Opportunity Center, ambako hafla hiyo ilikuwa imeratibiwa kufanyika. Mmoja wa waandalizi wa shughuli hiyo, Hassan Madzaya, amesema walifika mapema na walikuwa wamelipia ukumbi huo, lakini walizuiwa kuingia kwa madai kuwa mbunge huyo aliwaelekeza wasimamizi kuwazuia na kutoruhusu shughuli hiyo kufanyika hapo. Iliwalazimu waandalizi kuweka mahema na viti nje ya kituo hicho, na hafla ikaendelea kama ilivyoratibiwa.         Hassan amesema mpango huo unalenga kukuza vipaji vya vijana katika soka, muziki, ushairi, uandishi wa habari na utengenezaji wa maudhui ya kidijitali, pamoja na kuwasaidia vijana kupata kipato kupitia uchumi wa kidijitali. Akisema kitendo Cha kuwazuia kuingia katika kituo hicho si Cha kiungwana na kinaregesha nyuma juhudi za vijana kutizima ndoto zao kupitia vipaji. Mwaniaji wa kiti Cha ubu...
Read more

Kaunti ya Wajir yaandaa Sherehe za Madaraka Day kwa mara ya kwanza tangu Kenya ipate Uhuru.

Image
  Kaunti ya Wajir imeandika historia kwa kuandaa sherehe za 63 za Madaraka Day kwa mara ya kwanza tangu Kenya ipate uhuru. Serikali imesema hatua hiyo inaonyesha dhamira ya kuhakikisha maendeleo na shughuli za kitaifa zinafikia maeneo yote ya nchi huku zikikuza umoja, usawa na mshikamano wa kitaifa. Akizungumza katika mkutano na wanahabari kuelekea maadhimisho hayo, Msemaji wa Serikali, Isaac Mwaura , amesema kuwa tukio hilo linaonyesha dhamira ya serikali katika kukuza ushirikishwaji, usawa na mshikamano wa kitaifa. Alibainisha kuwa licha ya changamoto za uchumi wa dunia, ikiwemo athari za mgogoro unaoendelea Mashariki ya Kati, uchumi wa Kenya umeendelea kuwa thabiti na hivyo kuwezesha serikali kuendelea kuwekeza katika maendeleo na umoja wa kitaifa.                    Maandalizi ya sherehe hizo yameleta mabadiliko makubwa katika mji wa Wajir, ikiwemo ujenzi wa uwanja wa kisasa wenye uwezo wa kuhudumia zaidi ya watu 10,000, ubo...
Read more